Time kommune er ikkje den einaste kommunen som skal ha nytt bibliotek. Deichmanske bibliotek, folkebiblioteket i Oslo, har planlagd nybygg i mange år, etter å ha vore 75 år i eit bygg som eigentleg aldri vart ferdig. Fyrst skulle dei til Galleri Oslo, der Oslo Bussterminal og Akershus fylkeskommune ligg i dag. Så var Vestbanen under planlegging i mange år – før byrådsleiar Erling Lae og kulturminister Trond Giske i vår fann ut at dei skulle leggja omtrent alt av kultur til Bjørvika i nærleiken av den nye operaen.
Tord Høivik, fyrsteamanuensis ved bibliotek- og informasjonsstudia ved Høgskolen i Oslo, er ein ivrig bloggar og bibliotekdebattant. Han understreker at medan biblioteket før i stor grad stod i motsetnad til industrisamfunnet sine produksjonsmåtar, bør biblioteket vera i sentrum for samfunnet som utviklar seg no: kunnskapssamfunnet. Les resten av dette innlegget »
